電動車概念近年嚟越吹熱，但電動電單車依幾年都係局限於綿羊仔Level，又快又大馬力嘅電動電單車消息亦係少之又少。而去到2017年尾，德國車廠Gulas就推出截然不同，又有速度又有馬力嘅新電動電單車 – Pi1S，為電動電單車市場Step Up！
Pi1S用上同一般電動電單車唔同嘅軍事風設計，時速「踩盡」可達115 km/h，馬力更有38 匹。同時Pi1S有兩個版本供大家選購，分別配備6.5kWh 和 10kWh 兩種電池組，前者能提供達125公里續航力，後者即能續航200公里。軍事風Pi1S售價分別為19,665及 29,438歐元。
