一講起adidas相信大家都會諗起剛面世五周年嘅BOOST中底技術以及其周邊鞋款，例如大家都熱愛嘅UltraBOOST同NMD系列！但其實喺過去，adidas一直都有推出多款經典款式，當中EQT更被視為球鞋界嘅一場革命！
自1991年EQT面世，adidas亦於今年將EQT重新帶到大家眼前，推出多款以EQT為設計藍本嘅款式。而最新推出嘅EQT Cushion ADV用上編織鞋面用EQT輪廓設計，亦係又易襯又好著嘅鞋款！adidas最新推出EQT Cushion ADV兩款配色將於12月6日上架，定價為USD $140。
