買Figure依回事，相信每個喜愛動漫嘅朋友都會試過，但大多都只係一隻一隻噤買，一次過入手一百隻就真係比較少見！而日本Figure玩具大廠Bandai就宣佈推出100 枚Figure的套裝版本「金屬古拉」！
今次一炮過入手100隻嘅主角其實係一眾龍珠迷熟悉，曾經喺龍珠劇場版《ドラゴンボールZ 激突!!100億パワーの戦士たち》入面出現嘅「金屬古拉」！事關劇場版入面，古拉就畀孫悟空打入太陽後死唔去，但就由比高星嘅高科技而復活，仲打造咗無數古拉個複製品。而今次「金屬古拉」Figure 100 枚套裝售378,000 日元，亦可單隻入手，將於12月17號接受預購。
