自上星期同大家介紹過BAPE推出女生專屬Hoodie後，BAPE再次出手，搵嚟日本箱包品牌PORTER合作，推出全新PORTER x BAPE 2017 秋冬聯乘系列！
自1932年由吉田吉蔵於東京神田須田町創立嘅PORTER﹙早期名為吉田鞄製作所，1962年才推出「PORTER」品牌﹚一直以高品質皮包單品而聞名。PORTER近十年亦多次搵嚟各潮流品牌聯乘合作，揉合其他品牌的設計自自家PORTER高品質皮包中。而今次BAPE就聯手PORTER推出全新PORTER x BAPE 2017 秋冬聯乘系列，推出背包、挎包及錢包多個單品，將BAPE 1st Camo 迷彩圖案融入PORTER高質皮包中！PORTER x BAPE 2017 秋冬聯乘系列將於10月28號上架。 
