法國潮流品牌Balenciaga於今年推出嘅Triple S鞋款，儘管潮人對其褒貶不一，有話佢「走在潮流尖端」，又有人話Triple S定價過高，但無可厚非地Triple S元祖四色一推出就被搶購一空，成為今年度焦點Sneaker！
而推出多月後，Balenciaga就為Triple S推出全新配色，以簡潔白色及奶油色為主嘅「Cream」！Balenciaga Triple S「Cream」鞋如其名用上奶油色作主調，鞋身由奶油色皮革與網眼拼成，三合一﹙跑鞋、籃球鞋及田徑鞋﹚鞋底設計亦用上白同奶油色配搭設計！Balenciaga Triple S「Cream」將於10月30號上架，你又會唔會入手呢？
