《Dragon Ball》龍珠主題餐廳 12月大阪開催！

繼先前同大家介紹過，即將於日本東京開業嘅寵物小精靈外，大家熱愛嘅另一日本經典動漫 – 龍珠亦將於日本開設實體餐廳！令人最驚喜狂於不止餐廳裝修跟足龍珠風外，餐點方面亦有濃濃龍珠風格！

全新《Dragon Ball》的官方Cafe & Dinner餐廳將於12月大阪梅田Hilton廣場嘅 Tokokuro中餐廳限時營業，會以十分親民價錢提供一系列以龍珠為主題嘅餐點，最令筆者心心眼一定係「筋鬥雲悟空」水果蛋糕！同場亦有「四星球」巧克力慕斯、「龍珠樹」、「琪琪特製」便當、「神龍」蝦卷、「烏龍許願得來的內褲」水煮麵同「大魔王封印」沙拉等餐點。大家去到大板不妨到訪一下！