要數香港近年最成功嘅潮牌，陳冠希主理嘅CLOT一定不可不提！自2008年後，陳冠希就專注發展CLOT品牌，更獲虎撲幾千萬港幣投資，仲一早衝出香港，喺世界各地，北京、巴黎、香港都有分站。而適逢CLOT著名設計Alienegra 荊棘迷彩誕生十週年，CLOT決定今個秋冬再為Alienegra 荊棘迷彩推出一系列單品！
Alienegra 荊棘迷彩貴為CLOT品牌其中一個重要元素，今次復刻當然不會馬虎，推出短袖 T-Shirt、中袖 Waffle tee、Hoodie、短袖Hoodie、反光短褲、購物袋，甚至有埋迷彩內褲！而荊棘迷彩Pattern嘅黑色線條中加入3M 反光紋路，喺黑夜中同樣亮眼！CLOT Black Alienegra 荊棘迷彩將於10月26號於上環太平山街 18A-B 號地下 The Box 門店發售！
