大家喺戲院入面，一定聽過有一段得意卡通唱住「唔該你熄咗部電話啦~」嘅片段！而你又知唔知道段得意卡通入面嘅卡通人物 – A仔係「香港本地出品」，喺香港插畫家 b.wing 筆下生動人物，更會喺嚟緊喺10月28號至 11月19號喺海港城海洋中心舉行《藍來了》個人作品展，唔係唔去支持吓吖吓！
10月28號至 11月19號喺尖沙咀廣東道 3 至 27 號 海港城海洋中心二階 207 號鋪舉行嘅《藍來了》個人作品展會展出36 幅 A 仔原稿作品，主題都圍繞b.wing心內所想以及現實世界，同場更有限量仿古木雕刻 A 仔雕塑以及新推出畫冊《BLUE MATTERS, smile till it hurts》為會場限定單品供大家選購！
