塔羅問題：抽mermaid俾一個愛情的提示俾大家～
A) Helpful person : 呢張牌俾你嘅愛情提示就係，下面寫住有人想幫你，你諗下呢個人係邊個，跟 住主動接觸佢，呢隻牌俾我哋嘅訊息，就係你而家嘅愛情有什麼問題嘅時間，其實身邊嘅人都會 幫到你，無論係嚟開解你，定係真係幫助到你解決事情。你嘗試搵嗰個人出嚟啦。 未拍拖嘅，可 能有朋友介紹另一半俾你識。
B) Wait : 無論你而家面對任何情況，都係唔能夠主動出擊去解決問題嘅時間，如果想得到更好嘅 結果，佢叫你等一等，唔好急於一事去改變你嘅現況，即使你想要和伴侶進入人生另一個階段， 呢個時候你可以計劃你嘅將來，但現在絕對不是一個好時機take action。 未有拖拍嘅，直頭叫你 唔駛急，而家係一個等待嘅時間，而家唔係最好時機俾你拍拖，或者你要的人未出現。
C) Rest：呢個係話俾我哋聽，你一路落嚟係呢段感情裏面都好努力，係時候休息一下，放鬆一下， 一係就叫你自己去一去旅行，或者建議同另一半去旅行休息一下放鬆一下。如果你同伴侶嗌交嘅 話，就係叫你避開一下，比自己冷靜一下先至諗點樣解決問題，之後先再重新出發。 冇拖拍嘅， 就叫你休息一下養尊處優，響呢個時候抖一抖，享受下自己單身的生活。
D) Break free : 依家係時候要你主動求變，主動去突破宜家呢個局面，可能暗示你現有的關係會有 一啲進展，或者突破。 當然亦都有可能暗示你現在嘅感情有問題，可能會面臨分手。 未拍拖嘅， 就叫你主動求變，主動出去識下人，擴闊一下自己生活圈子，又或者叫你突破自己思想的框框 ，open up自己，唔好以為自己一直鍾意嗰個type，嗰個type就一定啱你。
